Zyýada Kakalyýewa 5
Türkmen döwlet gurjak teatrynyň sahna ussady
Zyýada Kakalyýewa 1978-njy ýylda Aşgabat şäherinde dünýä inýär. Ol orta mekdepde okap ýörkä, onuň kalbynda sungata bolan höwes döreýär. Aýdym-saz gurnagyna gatnap başlamagy Zyýadanyň sungata bolan höwesini has-da artdyrýar. Ol şeýle uly höwesi bilen 1995-nji ýylda Türkmen döwlet medeniýet institutyna okuwa girýär. 1999-njy ýylda instituty tamamlap, gurjak teatrynyň aktýory hünärini eye alýar. Şeýle hem 1999-njy ýyldan Türkmen döwlet gurjak teatrynyň artisti wezipesinde işe başlaýar.
Ol turuwbaşdan sungata bolan yhlasyny görkezip ugrady. Gurjaklary hereketlendirmek, olara ses bermek bilen tapawutlanyp, kämillik ýoluna düşdi. Onuň artistlik zehini gün-günden gül ýaly açylyp gitdi.
Zyýada Kakalyýewa I.Gernetiň “Gazjagaz” oýnunda Tilkiniň, K.Taňrygulyýewiň “Pilmahmyt” oýnunda Gelniň, döredijilik toparynyň “Söýgi köprüsi” oýnunda Jahan çotganyň, G.Daňatarowyň “Gurjakgyz” oýnunda Meňliniň, A. Gurbandurdyýewiň “Enemiň Owlajygy” oýnunda ortanjy gyzyň, H. Şirowyň “Ýartygulak” oýnunda Doýduk baýyň, K.Meşkowyň “Bir Towşanjyk bar eken...” oýnunda Tilkiniň, G.Daňatarowyň “Iň hezil gün” oýnunda Melikäniň, A. Galandarowyň “Aldarköse” oýnunda Döw aýaly “Asyklar”(Sanigin)
“cagaly oy bazaar”(okga) keşplerini döredip, özüniň kämilligini, artistlik ussatlygynyň ýokary derejesini görkezdi.
Zyýada Kakalyýewa kino sungatynda hem öz güýjüni synap gördi. Ol Oguzhan adyndaky “Türkmenfilm” birleşiginde režissýor Gülälek Hezretgulyýewanyň surata düşüren “Zyýada” atly telefilminde uly gelin Sadabyň keşbini ussatlyk bilen örboýuna galdyrmagyň hötdesinde geldi.
Zyýada Kakalyýewa artistlik ussatlygyny kämilleşdirmekde, teatrdaky ýaş artistlere döredijilik kömegini berýär. Olara halypaçylyk edip, teatr sungatynyň, artistlik sangatynyň inçe syrlaryny öwretmekde öz tejribesini, zähmetini gaýgyranok.